Kryeministri Rama ka reaguar lidhur me ngjarjen e rëndë që ndodhi në qytetin Aktau, në Kazakistan ku një avion me 67 persona është rrëzuar gjatë fluturimit.
Përmes një postimi në rrjete sociale, Rama shpreh ngushëllimet për vendet e prekura nga tragjedia dhe uron që paqja të mbizotërojë në të gjithë rajonin e tyre.
“Në emër të Shqipërisë, bashkohem me miqtë tanë për të shprehur ngushëllimet e mia për vendet tona vëllazërore, Azerbajxhanin dhe Kazakistanin, dhe urimet e mia të përzemërta që paqja të mbizotërojë në të gjithë rajonin e tyre”, shkruan Rama.
Kujtojmë se si pasojë e ngjarjes 35 persona humbën jetën, ndërsa 32 shpëtuan të gjallë.
