Franca u bëri thirrje shtetasve të saj të premten që të largohen nga Irani sa më shpejt të jetë e mundur, duke thënë se ata ishin të ekspozuar ndaj rrezikut të ndalimeve arbitrare.
“Çdo vizitor francez, përfshirë ata me shtetësi të dyfishtë, është i ekspozuar ndaj arrestimit, ndalimit arbitrar dhe gjykimit të padrejtë”, tha Ministria e Jashtme franceze në faqen e saj të internetit.
Franca këtë javë sulmoi Iranin për “praktika diktatoriale” dhe marrjen peng të dy qytetarëve të saj pas një videoje të transmetuar të enjten në të cilën ata dukeshin se po rrëfenin se kishin spiunuar.Teherani fajëson “armiqtë e huaj” për protestat dhe trazirat që kanë vazhduar prej javësh.
Ministria e Jashtme franceze më herët të premten i kishte bërë thirrje Iranit që të lironte dy shtetasit e tij./Opinion.al
