Inspektorë të IKMT të shoqëruar nga forcat e policisë kanë shkuar orët e para të mëngjesit të sotëm në Shkozë për të prishur shtëpitë e mbetura nga operacioni i nisur ditën e djeshme.
Ata kanë rrethuar disa prej banesave por kanë hasur në rezistencën e banorëve. Prishja e banesave bëhet për ti hapur rrugë projektit të Unazës së Madhe.
Por banorët kundërshtojnë këtë vendim. Për një nga banesat që kërkohet të prishet, Gjykata e Apelit ka lëshuar urdhër për të mos u prekur deri në daljen e një vendimi të formës së prerë por një vendim i Shkallës së Parë të Gjykatës Administrative e ka hedhur poshtë atë. Ende nuk është e qartë se si një vendim i Apelit është rrëzuar nga vendimi i Shkallës së parë.
Për të mbështetur banorët e Shkozës në vendngjarje ka shkuar ish-deputeti Aldo Bumçi i cili akuzoi kryeministrin se po kryen një akt kriminal duke nxjerrë jashtë shtëpive qytetarët.
“Kjo nuk ka asnjë lidhje me sjellje europiane, këta banorë i kanë të gjitha shanset që të marrin dëmshpërblimin”, shtoi Bumçi. /Opinion.al
