Ministri i Mbrojtjes i Izraelit, Yoav Gallant, thotë se ka urdhëruar një “rrethim të plotë” në Rripin e Gazës. Kjo do të thotë “jo energji elektrike, jo ushqim, jo karburant”.
Kujtojmë se Izraeli kontrollon hapësirën ajrore mbi Gazën dhe vijën e saj bregdetare, duke kontrolluar dhe se çfarë mallrash lejohen të hyjnë dhe të dalin nëpër pikat kufitare.
Në mënyrë të ngjashme, Egjipti kontrollon se kush kalon brenda dhe jashtë kufirit të tij me Gazën.
Forca e Mbrojtjes së Izraelit thanë se sirenat e alarmit janë duke u dëgjuar në Jeruzalem dhe në të gjithë Izraelin për shkak të raketave që po lëshohen nga Gaza. Të paktën 3 shpërthime janë dëgjuar në Jeruzalem.
Nuk është ende e qartë nëse raketat kanë shpërthyer në tokë apo janë interceptuar nga sistemi i mbrojtjes ajrore izraelite.
