Dy persona janë arrestuar ditën e djeshme nga policia në aksionin e koduar “Lundra” për gjobëvënie ndaj një personi.
Ajo ka arrestuar shtetasin Ilir Hysenagolli, në kërkim për veprën penale “shtrëngim me anë të kanosjes për përfitim”, si dhe ka finalizuar arrestimin e shoqëruesit të tij.
Ndaj këtij shtetasi me kërkesë të Prokurorisë për Krime të Rënda, gjykata ka vendosur masën e sigurisë “arrest me burg”. Bashkë me të arrestuarin e djeshëm masa është vendosur edhe për shtetasit Rubin Hoxha, 32 vjeç dhe Albert Zeranin, 54 vjeç, të dyshuar për kryerjen e veprës “shtrëngimi me anën e kanosjes ose dhunës për dhënien e pasurisë”.
Këta dy të fundit janë arrestuar me akuzën se në bashkëpunim me njëri-tjetrin kanë kërcënuar shtetasin Fabjan Shaba, duke i kërkuar shumën prej 100.000 eurosh.
Mësohet se ngjarja ka ndodhur më 31 dhjetor 2013 në Tiranë.
Të tre personat akuzohen se duke bashkëpunuar me njëri-tjetrin në datën 31 dhjetor 2013 kanë marrë peng dhe i kanë kërkuar 100 mijë euro Fabjan Shabës, i cili më pas është lënë i lirë.
