Shkelje flagrante të të drejtave ndërkombëtare nga Serbia e cilëson gazetari Blendi Fevziu, rrëmbimin e 3 policëve të Kosovës nga forcat speciale të serbe në kufirin mes dy vendeve.
Nëpërmjet një postimi në rrjetet sociale, Fevziu shprehet se veprimet rrëmbimi i policëve është një akt agresioni nga Serbia.
Gazetari thekson se Kosova duhet të marrë masa urgjente për këtë situatë si dhe të kuptojë se granacia dhe mbrojtja më e fortë janë komuniteti ndërkombëtar dhe NATO.
“Rrëmbimi i një patrulle të Policisë së Kosovës në kufirin Kosovë – Serbi, sipas autoriteteve shqiptare, në brendësi të territorit të Kosovës, është një shkelje flagrante e të gjitha të drejtave ndërkombëtare. Është një akt agresioni nga Serbia dhe një goditje më shumë në situatën e tensionuar të Veriut të Kosovës në muajt e fundit. Qeveria e Kosovës duhet të ndërmarrë hapa urgjente por edhe duhet të kuptojë se Komuniteti Ndërkombëtar dhe trupat e NATO – s janë garancia dhe mbrojtja jonë më e fortë”.
View this post on Instagram
