Pas rrëmbimit të dy personave në Sarandë, dyshohet se fshihet i njëjti grup kriminal që ekzekutoi Aleksander Sadikajn.
Sipas gazetarit, Artan Hoxha, bëhet fjalë për një grup të strukturuar kriminal, i specializuar kryesisht për trafikun e narkotikeve, që ka organizuar rrëmbimin dhe më pas eliminimin fizik të Fatmir Sulovarit (Krasniqi) dhe Leonard Thodhorit, i njohur me nofken “Koçolja”, ngjarje e ndodhur mesnatën e se enjtes së 6 prillit 2023, ne qytetin e Sarandës.
Portali Xhungël.al teksa publikon foton e një prej personave të dyshuar, të shpallur në kerkim për ngjarjen, shkruan se Prokuroria dhe policia nuk kane ende një përgjigje edhe pas 25 ditësh nga momenti kur ndodhi rrëmbimi, por tashme kanë një panoramë më të qarte të asaj se çfarë ka ndodhur.
Pasi janë shoqëruar me dhjetëra dëshmitare, janë ndaluar dhe ekspertuar te paktën 8 automjete, janë bastisur dhe kontrolluar disa banesa, janë kqyrur me dhjetëra ore filmime te kamerave te sigurisë dhe janë zbardhur komunikimet telefonike te personave te dyshuar, u arrit ne përfundimin se pas kësaj ngjarje qëndron një strukture e qëndrueshme kriminale, e cila ka përdorur si baze operacionale te saj qytetin e Sarandës.
Nga te dhënat e deritanishme, kjo strukture kriminale, rezulton te ketë një aktivitet te gjatë në trafikun e narkotikeve, fillimisht të kanabisit nga Shqipëria drejt Greqisë dhe me pas ka kaluar ne trafikun e drogave te forta. Aktualisht ky grup kriminal ka siguruar një linje te trafikut te kokainës nga Amerika Latine drejt Evropës.
Saranda shërben si baze operacionale, nga ku grupi ka drejtuar aktivitetin e vet, por edhe si vend ku janë investuar paratë e fituara nga narkotrafiku.
I njëjti grup kriminal, dyshohet se ka organizuar dhe finalizuar atentatin me minë të telekomanduar ndaj 27-vjeçarit Aleksander Sadikaj, më 11 qershori 2022 afer rreth-rrotullimit të TEG-ut.
Gjithnjë sipas Xhungël.al, deri tani dy ngjarjet rezultojnë te mos kenë lidhje me njëra-tjetrën, edhe pse janë kryer nga e njëjta strukture kriminale.
Ne rastin e ngjarjes se 6 prillit, rezulton se ky grup kriminal ka patur ne objektiv, vetëm rrëmbimin e shtetasit Leonard Thodhori, për shkak te një marrëveshje qe ka shkuar keq. Por ky i fundit pasi ka nuhatur rrezikun, dyshohet të ketë kërkuar ndihmën e pronarit te disko “El Dorado” ne Ksamil, Fatmir Sulovari, i cili ka qenë i armatosur me pistoletë.
Nga dinamika e deritanishme, rezulton se autoret, pasi kanë tërhequr ne një takim-gracke dy viktimat, i kane rrëmbyer ata duke i çuar në një “baze te sigurte” ne periferi te Sarandës. Nga aty trupat e viktimave dyshohet te jene eliminuar fizikisht dhe të jenë fshehur. Pavarësisht operacioneve të kërkimit për ditë të tera nga policia dhe familjaret e te zhdukurve, nuk janë gjetur ende trupat e viktimave.
Kërkime janë bërë në zonën e Vrines dhe Konispolit ku dyshohej se kufomat mund te ishin groposur. Me pas u bene kërkime në zonën e kanalit Çukes, kanalit te Vivarit dhe ne liqenin e Butrintit me polumbarë te forcave RENEA.
As përdorimi i dronëve nga ajri nuk dha rezultat. Deri tani, Prokuroria ka arrestuar vetëm shtetasin Sofokli Andrea Baxheri, i cili ka shërbyer në rol ndihmës, si dhe ne gjetjen e mjeteve apo bazës së sigurt ku kane vepruar autorët.
Ndërkohë janë shpallur në kërkim policore te paktën 5 shtetas të tjerë, dy prej te cilëve me rol kryesor në grup, dyshohet të jenë larguar menjëherë pas ngjarjes për në Dubai.
Mes personave te dyshuar për këtë ngjarje, është edhe një shtetas me origjine nga veriu i Shqipërisë, por nuk është bere e mundur te gjendet vendndodhja e tij. Ky person ka qëndruar për disa kohe në Sarandë.
Ai rezulton se ka qenë ne qytet edhe mbrëmjen kur ka ndodhur ngjarja. Me pas është larguar pa u lokalizuar më vendndodhja e tij./Opinion.al
