Ka nisur në pallatin “Chigi” mbledhja e drejtuar nga Kryeministri Giuseppe Conte për të diskutuar mbi masat që duhen marrë në vazhdimësi kundër koronavirusit.
Evitohen për 30 ditë manifestimet, edhe aktivitetet sportive ku duhet që njerëzit të qëndrojnë në një distancë më afër se 1 metër. Ky ishte një nga propozimet e komitetit teknik shkencor dhe që pritet të aplikohet në të gjithë vendin.
Personat mbi 75 vjeç dhe ata që janë më shumë se 65, por që kanë probleme shëndetësore, kërkohet që të mos frekuentojnë ambientet e populluara. Gjithashtu rekomandohet evitimi i shtrëngimit të dorës dhe mbajtja e një distance 1 metër nga personat e tjerë.
Masat sugjerohen për të gjithë vendin dhe për 30 ditë, por do të rivlerësohen çdo ditë. Këshillohet gjithashtu mosmbajtja e byzylykëve kur lahen duart, sepse pengojnë kryerjen e këtij procesi në mënyrën e duhur. Sugjerohe evitimi i shkëmbimit të gotave apo shisheve të ujit, veçanërisht në aktivitete sportive. / Opinion.al
