Ministria e Arsimit ka dhënë një udhëzim për vitin e ri shkollor dhe ai ka të bëj me numrin e nxënësve nëpër klasa.
Sipas këtij udhëzimi, të gjitha gjimnazet dhe shkollat e orientuara, duhet të ulin numrin nga 35 në 30 nxënës në klasë.
Ky vendim ka për qëllim rritjen e cilësisë së orës mësimore, si dhe kushte më të favorshme për mësuesit dhe nxënësit.
Lajmin e ka bërë të ditur vetë ministrja Kushi, përmes një postimi në rrjetet sociale.
Ky nuk është i vetmi vendim i marrë për vitin e ri shkollor. Ndër të tjera thuhet se në shkollat ku numri i nxënësve arrin mbi 800, shkolla do të ketë tre nëndrejtorë.
Rritja e numrit të nëndrejtorëve ka si qëllim një menaxhim më efektiv të shkollave, monitorim dhe rritje të vëmendjes për nxënësit.
Edhe për të gjitha shkollat e arsimit special për nxënësit me aftësi ndryshe, për herë të parë do të kenë edhe nëndrejtor, pavarësisht numrit të nxënësve, me qëllim plotësimin e nevojave dhe kërkesave që ka kjo kategori e shoqërisë./Opinion.al
