Arlind Ajeti, mbrojtësi i Kombëtares shqiptare, doli sot para mediave në një konferencë për shtyp, teksa ju përgjigj pyetjete të shumta të gazetarëve të pranishëm.Fillimisht ai foli për ndeshjen me Katarin, dhe atë shpërqëndrim që skuadra kuqezi përjetoi në minutat e para: “Duhet të jemi të kthjellët që nga minuta e parë deri në fund”, u shpreh ndër të tjera qëndërmbrojtësi i cili gjatë gjysmës së parë të sezonit që u mbyll ishte pa ekip.
Normalisht ajo ka qenë një periudhë e vështirë, por Ajeti ka besuar se do t’i vinte ftesa për në Europian: “Kam besuar. Ka qenë situatë e vështirë. Nuk i kam humbur shpresat asnjëherë. Kam patur mbështetjen e familjes, pa ta nuk do kishte qenë njëlloj. Në fund u bë sikur dëshironim”.
Eksperienca të Frozinone i ka shërbyer Ajetit ndërkohë ai zbulon se nuk do të jetë më pjesë e Frozinones, ndërkohë që është në bisedime me një tjetër klub në Itali, por nuk e tregon emrin.“
Kam mësuar nga eksperienca në Itali. Italia punon shumë taktikisht, ndryshe nga Zvicra. Kam marrë eksperiencë me kundërshtarë të mëdhenj”. “E ardhmja? Nuk kam kontratë me Frosinonen. Jam i lirë. Mbetem në Itali, pasi Italia po më pëlqen shumë. Nuk e di hapin tjetër, nëse vendos para Europianit apo pas. Nuk dua të përmend emra skuadrash”.
Nuk mund të mos pyetej Ajeti për përballjen me Zvicrën, e cila sipas tij nuk do të jetë aspak miqësore,ndërkohë tregon se edhe me cilin prej lojtarëve shqiptarë të Zvicrës mban më shumë kontakte.“
Kontaktin më të mirë e kam me Xherdanin. Kemi luajtur gjatë bashkë, edhe me Granitin, por deri tani nuk kemi biseduar për ndeshjen, vetëm për gjëra private. Nuk ka miq në ndeshjen me Zvicrën”.Nuk mbaron me kaq konferenca pqër shtyp e Ajetit, që në fund zbulon edhe gjëra të tjera. Rivalët e grupit, kush ka më shumë probleme në sulm? “Rumania besoj. Franca ka lojtarët më të mirë në sulm, gjithashtu edhe Zvicra ka sulmues të mirë, ndaj mendoj se Rumania”.
E ardhmja e Albianit? “Në bisedimet që kam patur me të, ka vendosur. Edhe pak kohë duhet që të shikohet vendimi i tij”.
Shakatari i skuadrës? “Taulant Xhaka”
