Esat Dushaj, personi që vrau dy vëllezërit Shkami në Drisht të Shkodrës ka rrëfyer para policisë se si kishte mundur që t’u shpëtonte forcave të rendit në Shkodër për t’u dorëzuar në Tiranë.
Dushaj ka zgjidhur më në fund edhe enigmën se si përfundoi në kryeqytet.
Ai tha para Policisë se njerëz të afërm kishin shkuar ta merrnin me automjet në Lezhë.
Dushaj arriti t’u shpëtonte të gjitha postblloqeve, duke nxjerrë blof policinë në një farë mënyre, e cila vazhdonte ta kërkonte në zonat malore në Veri.
Sipas deklarimit të tij, ai natën e parë u fsheh në Drisht, në zonat malore ku kreu edhe vrasjen.
Më pas, gjatë natës ai ka zbritur në Gurin e Zi dhe që prej andej ka lëvizur në këmbë duke shkuar në Lezhë.
Aty, sipas tij, kanë ardhur disa të njohur që e kanë marrë me automjet dhe e kanë dërguar në Tiranë, ku më pas iu dorëzua Policisë. (Panorama.com)
