Gjykata qipriote urdhëroi 8 ditë burg për rrëmbyesin egjiptian të avionit Airbus 320 të “Egypt Air”.
Seif Edin Mustafa u tha hetuesve se prej vitit 1994 nuk i është lejuar të shohë gruan dhe fëmijët e tij, pasi ishte në listën e personave “non grata” në Qipro.
Masa paraprake e burgimit 8-ditor u dha për të ndaluar 59-vjeçarin të largohet nga ishulli. Ai do të përballet me akuzat e rrëmbimit të avionit, sekuestrim personi, kanosje për dhunë.
Ish-bashkëshortja e egjiptianit refuzon ta takojë pasi veprimi i tij e ka turpëruar përpara gjithë opinionit. Në këtë video ai shfaqet nw momentin kur ka kaluar pikën e kontrollit të aeroportit në Aleksandri, duke mos u ndaluar punonjësve të sigurisë.
Një më parë Seif Edin Mustafa mori peng avionin me 63 persona në bord dhe nën kërcënimin e një jeleku të rremë eksploziv, detyroi pilotin të ndryshojë kurs e të ulet në aeroportin e Larnakas në Qipro. Për rreth 5 orë ai mbajti në alarm autoritetet qipriote, por më pas liroi të gjithë pengjet dhe u vetëdorëzua.
Tv Klan
