Orët e paradites paraqiten nën ndikimin e kthjellimeve të shkurtra dhe vranësirave të dendura në të gjithë territorin e vendit.
Parashikohet që orët vijuese të sjellin shtim të vranësirave në të gjithë territorin, duke sjellë dhe reshje shiu si fillim në zonat veriore dhe veriperëndimore por gradualisht shirat do të përfshijnë të gjithë territorin ku herë pas here do të jenë rrebeshe shoqëruar me stuhi të forta ere.
Parashikohet që gjatë natës reshjet të pësojnë intensifikim në të gjithë territorin e vendit.
Sipas MeteoAlb, temperaturat e ajrit do të pësojnë rritje gjatë orëve të mëngjesit por mesdita do të sjellë rënie të tyre duke luhatur vlerat ditore nga 10°C deri në 30°C.
Era do të fryjë e fortë duek arritur shpejtësinë maksimale mbi 55 km/h nga drejtimi kryesisht verilindor dhe kjo do të bëjë që në brigjet detare të gjenerohet dallgëzim 4 ballë.
