Gjykata e Tiranës dënoi me 8 muaj burg Alban Voglin, zyrtarin e klubit sportiv të “Kastriotit” të Krujës, për rrahjen e gazetarit sportiv Eduart Ilinica.
Gjyqtari vendosi të dënoje me 12 muaj burg, por për shkak të aplikimit të gjykimit të shkurtuar, Voglit iu ul 1/3 e dënimit.
Vetë Vogli nuk ishte në sallën e gjyqit, ku avokati kërkoi një masë më të butë dënimi.
Prokuroria i kishte kërkuar gjykatës në seancën e kaluar denimin e Alban Voglit me 1 vit e 6 muaj burg.
Vetëm pak ditë pas nje ndeshjeje kualifikuese mes Korabit të Dibrës dhe Kastriotit të Krujës, Alban Vogli dhunoi gazetarin Eduard Ilinica, për shkak të kronikave që kishte pasqyruar në media, ku identifikonte Voglin si dhunues të tifozëve të Korabit.
