Jamarbër Malltezi ka reaguar sot ndaj akuzave të PS. Kjo e fundit, përmes deputetit Peza tha se nuk është goditur Balla në Romë por gjithë grupi i PS. Sipas sekretarit për Mjedisin në PD, Malltezi, reagimi i PS tregon se gjithë kjo histori është e stisur nga vetë Rama.
“Me gojën e ushtarit të mirë Peza, Rama pranoi sot autorësinë e shpifjeve dhe gënjeshtrave që fakir-tellallet e tij shpërndajnë në opinion. Mbrojtja politike ndaj një provokatori pa shtylle kurrizore, tregon se Rama vetë ka qenë frymëzuesi dhe porositësi i provokimit të Romes dhe shpifjeve të Tiranës. Ai është sponsorizuesi kryesor i krimit dhe dhunes, provokimit, genjeshtres dhe urrejtjes. Eshte i fundit qe mund te akuzoje dhe i pari qe duhet te pergjigjet”, shkruan Malltezi në një reagim për Opinion.al.
Më herët Alfred Peza do të deklaronte nga selia e PS-së se “sulmi fizik i kryer ndaj Ballës nga Argita dhe Jamarbër Malltezi është një sulm politik për shkak të qëndrimeve të deputetit kundër korrupsionit dhe krimit.
“Goditja e rëndë fizike ndaj Taulant Ballës ka qenë e parapërgatitur, e pabesë dhe e kryer në një koshiencë të plotë si pjesë e një lufte ndër vite të familjes Berisha-Malltezi me Ballën. Goditjen e Ballës ne e konsiderojmë një goditje ndaj gjithë grupit parlamentar të PS për të penguar rrugën e reformave ku jemi përfshirë”, ka deklaruar deputeti Alfred Peza. “PS bën thirrje që policia dhe prokuroria të angazhohen, në bashkëpunim me agjencitë policore italiane, në një hetim për t’i shkuar deri në fund së vërtetës dhe për t’i dhënë ndëshkimin e merituar fajtorëve”, ka shtuar Peza.
