Prokuroria e Tiranës kërkoi 6 vite burg për Rozeta Dobin e arrestuar për vjedhjen e mbi 400 mijë eurove në banesën e ish zyrtares Alda Klosi, ku punonte si sanitare.
Para trupit gjykues në seancë, Dobi shprehu pendesë ndërsa është shprehur se shumën e parave ia ka dhënë vetë Alda Klosi për t’i mbajtur.
“Së pari shpreh pendesën time për çdo gjë që ka ndodhur, kërkoj mëshirën tuaj në dhënien e vendimit, atë shumë parash Alda Klosi më ka kërkuar që t’i mbaj dhe në një moment të dytë do të ja ktheja te shtëpia e saj.
Unë nuk kam vjedhur, më vjen keq e kam mbajt familjen me punë të ndershme, s’kam dashur t’i bëj asgjë keq. Më ka kërkuar që t’i mbaja, këtë inskenim ajo e ka bërë që të fajësojë ish-bashkëshortin e saj”-është shprehur Dobi para togave të zeza.
