Këngëtarja dhe moderatorja, Rozana Radi, ka rezultuar pozitive me COVID-19. Lajmin e ka bërë të ditur vetë ajo përmes një statusi në rrjetet sociale, ku krahas fotos së testit ka theksuar se disa ditë më parë kishte bërë tamponin dhe kishte dalë negative, ndërsa një tjetër tampon i përsëritur ka rezultuar pozitiv.
Këngëtarja shkruan se është karantinuar dhe po merr mjekimin në shtëpi duke u konsultuar me mjekun e familjes.
“Pas një rezultati negativ ripërsërita tamponin dhe pozitiv. Jam karantinuar dhe po marr mjekimin e nevojshëm duke u konsultuar me mjekun e familjes. Për momentin jam në gjendje të qëndrueshme shpresojmë të shkoj gjithçka mire!” shkruan Rozana Radi në postimin e saj./ Opinion.al
