Nico Rosberg fitoi edhe në Shangai, në ndalesën e tretë të Botërorit të Formulës 1, në një garë ku ndodhi gjithçka.
Me këtë sukses Rosberg arrin në kuotën e 17 fitoreve në karrierë, më shumë se cdo pilot tjetër që nuk e ka fituar Botërorin.
Pikët e plota, 75 në 75 dhe mbi të gjitha distanca prej 38 pikësh me ndjekësin më të afërt Hamilton është vërtet domethënëse.
Gjermani i Mercedesit sigloi fitoren e tretë radhazi në këtë kampionat botëror dhe forcon kështu pozitat si lider i kampionatit.
Në podium u ngjitën edhe Vettel e Kvyat, ndërkohë që Hamilton, i cili u nis i fundit, e mbylli garën në vendin shtatë.
