Firma me Al Nassr largoi pas shumë vitesh Cristiano Ronaldon nga futbolli europian. Portugezi është gati për një aventurë të re tashmë në Arabinë Saudite. 37-vjeçari i dha kështu lamtumirë edhe kompeticionit më të rëndësishëm në futbollin Europian, UEFA Champions League, ku ka vendosur rekorde historike.
Ronaldo është golashënuesi më i mirë në historinë e saj, me 140 gola, duke përjashtuar ato në fazat kualifikuese. Portugezi udhëheq këtë garë, duke lënë pas emra si Lionel Messi me 129 gola e Robert Leëandoëski me 91. Por përveç të qënit golashënuesi më i mirë i të gjitha kohërave në këtë kompeticion, Ronaldo ka qenë lojtari më rezultativ në 6 edicione të ndryshme të UEFA Champions League, kjo e lidhur edhe me paraqitjet e shumta, 183 sfida.
37-vjeçari ka shënuar në tre finale të Ligës së Kampionëve dhe i vetmi futbollist që ka shënuar në 11 ndeshje radhazi të këtij kompeticioni. Gjithashtu, Ronaldo ka arritur të ngrejë pesë herë lart trofeun e Champions me dy skuadra të ndryshme, Manchester United dhe Real Madrid.
Klan News
