Fituesi i Topit të Artë i befasoi sërish fansat e tij.
Ronaldinho është shfaqur si model për një ditë gjatë Javës së Modës në Paris, ku prezantoi në skenë një koleksion nga marka KidSuper.
Shumë tifozë e konsiderojnë Ronaldinhon si një nga futbollistët më të mirë të të gjitha kohërave. Përveç Topit të Artë, ai fitoi trofeun e Champions League me Barcelonën, dy tituj në La Liga spanjolle, u bë kampion i Serie A me AC Milan, fitoi turneun e Copa America në 1999 me kombëtaren braziliane dhe u bë kampion bote në vitin 2002.
Tani ish-futbollisti 43-vjeçar u prezantua si model. Marka KidSuper së fundmi njoftoi një bashkëpunim të përbashkët dhe i dedikoi atij koleksionin e saj të fanellave të futbollit.
Ronaldinho e njeh mirë kryeqytetin francez që nga koha e tij në Paris Saint-Germain midis 2001 dhe 2003 para se të transferohej te Barcelona. Ai e përfundoi karrierën e tij futbollistike në vitin 2015 pasi luajti edhe për klube si Gremio, AC Milan, Atletico-MG, Queretaro dhe Fluminense.
Pas daljes në pension, ai tronditi disa herë tifozët e futbollit. Në vitin 2020, braziliani u arrestua teksa po përpiqej të udhëtonte në Paraguaj me një pasaportë false. Pas një muaji pas hekurave, ai u detyrua të kryente pesë muaj të tjerë arrest shtëpiak në hotelin Asunción.
Në vitin 2018 ai duhej të paguante një gjobë prej 2 milionë eurosh për ndërtimin e paligjshëm të një shtëpie në një zonë të mbrojtur.
Në vitin 2023, sulmuesi legjendar u akuzua për mashtrim të kryer përmes një prej kompanive të tij./Opinion.al
