Këngëtarja e famshme me origjinë shqiptare, Rita Ora, e cila do të mbajë ditën e sotme një super koncert në “Sheshin Skënderbej” ka mbërritur në Tiranë. Përveç motrës, Elena ajo shoqërohet edhe nga babai i saj. Ndërkohë personi i parë që ka takuar është në tokën shqiptarë është kryebashkiaku Erion Veliaj, me të cilin po zhvillon një takim në ambientet e Bashkisë së Tiranës.
Elena Ora, motra e Ritës, ka publikuar një foto në instastory ku shfaqet me këngëtaren me famë botërore dhe Kryetarin e Bashkisë së Tiranës, Erion Veliaj për të cilin shkruan: Kryebashkiaku më i mirë.
Vihet re që Rita ka ndryshuar totalisht pamjen e saj duke lyer flokët me të kuqe.
