Gjykata “Harrow Crown” ka lëshuar një incizim nga thirrja emergjente e bërë nga ylli i muzikës në nëntor të vitit 2015.
Motra e Ritës, Elena ishte duke fjetur në katin e poshtëm të shtëpisë kur ishte zgjuar për të gjetur një njeri duke shikuar nëpër dollapët e tyre.
“Kisha shkuar për të fjetur dhe jam zgjuar nga një britmë. Isha në gjumë kur jam zgjuar dhe kam dëgjuar motrën duke vrapuar shkallëve. E kam hapur derën dhe ajo ka hyrë me shpejtësi,është hedhur në shtratin tim dhe ka filluar të bërtasë”, ka treguar Rita. Këngëtarja kishte telefonuar operatorin e policisë duke i thënë: “Duhet të vini në shtëpinë time menjëherë, sepse është një hajdut brenda. Jemi mbyllur në një dhomë me motrën time.
Ju lutem dërgoni policinë menjëherë. Sa do të vonoheni?”, ka vazhduar ajo rrëfimin. Më pas Rita ishte larguar nga telefoni dhe i kishte bërtitur hajdutëve:
“Mos guxoni të ngjiteni lart. Do t’ju rrënoj”. Pastaj sërish kishte folur me operatorin: “Oh Zoti im, nuk kam një thikë dhe e di se ata do të vijnë lart. Çfarë më thoni të bëj? Do ta vras atë”, i kishte thënë operatorit Rita. Pastaj Rita është dëgjuar duke i thënë motrës së saj: “Qëndro pranë meje, ne mund ta shkatërrojmë nëse ai vjen lart”. Dhe Rita ia ka plasur të qarit kur incizimi është dëgjuar në gjykatë, duke kërkuar pak çaste që ta merrte veten.
“Thirrja telefonike më ka tmerruar paksa. Më jepni një moment”, i ka thënë ajo gjykatësit. Elena ka identifikuar Charaf Elmoudden 26-vjeç, si njërin nga hajdutët, i cili kishte vjedhur 295 mijë dollarë vlerë në stoli, rroba, telefona dhe laptop në shtëpinë e Ritës. Charaf ka mohuar akuzat dhe ka insistuar se është viktimë e identitetit të gabuar. Mirëpo, Elena ka deklaruar se ajo kishte shikim të drejtpërdrejtë me të. “Në një moment ai ishte vetëm pak centimetra larg meje, çka ishte e frikshme, pasi kjo nënkupton se ai më shikonte në mënyrë direkte derisa po flija. Ai më shikonte me ngulm në fytyrë. Kurrë nuk mund ta harroj këtë fytyrë”, ka dëshmuar Elena.
