Koncerti i paralajmëruar i Rita Orës në Kosovë, me rastin e festës së pavarësisë është vetëm një ditë larg. Kështu këngëtarja me famë botërore, me origjinë nga Kosova ka treguar për të gjithë se është mëse gati për performancën e saj. Ajo ka postuar një video ku i fton të gjithë të marrin pjesë në koncert, dhe premton surpriza.
Pas saj duket edhe stafi që e shoqëron, të cilët në fund të videos, së bashku me Ritën kanë përshëndetur Kosovën me simbolin e shqiponjës nën ritmet e valles së Tropojës.
