Çdo femër interesohet për një paraqitje sa më estetike të fytyrës së saj, duke kuruar çdo detaj. Hollimi ose trashja e vetullave janë kthyer në praktika të zakonshme estetike. Por një formë e re alternative është edhe tatuazhi i vetullave.
Tatuazhi gjysmë i përhershëm i vetullave me teknologji të mikroprerjeve (“microblading”) është një metodë relativisht e re për vijëzimin e vetullave.
Kjo procedurë kryhet nga estetistët e certifikuar, të cilët me anë të një mjeti të posaçëm lehtësisht shpojnë lëkurën për të vendosur pigment në epidermë.
Para se të fillohet të kryhet procedura bëhen matjet e duhura për të përcaktuar formën më të përshtatshme për fytyrën e personit dhe siguruar simetrinë në të dyja vetullat.
Efektet e tatuazhit gjysmë permanent të vetullave me teknologjinë e mikroprerjeve zgjasin rreth 11 deri 18 muaj.
