Snapchat po planifikon një lançim të madh në vjeshtë. Bëhet fjalë për dy modele syzesh me kamera që do të quhen Spectacles.
Modeli i parë i Spectacles do të vijë me një kamera dhe do të fokusohet te përmirësimi i performancës. Thuhet se do të jetë shumë i ngjashëm me versionin aktual dhe do të ketë më shumë ngjyra.
Modeli tjetër do të vijë me dy kamera, – nga një te secila anë e kornizës, – dhe do të kushtojë rreth 300 dollarë. Ky model do të vijë i pajisur me GPS dhe do të jetë prej alumini. Lentet e kamerave do të krijojnë efektin 3D.
Syzet e reja Spectacles janë në fazën e prodhimit. Version i tyre i parë pati shumë sukses në fillim por për fat të keq nuk vazhdoi kështu. Snapchat arriti të shesë vetëm 150,000 palë syze duke lënë qindra mijëra të pashitura në magazina. Si rezultat i dështimit, Snapchat humbi 40 milion dollarë.
Megjithatë kjo ngjarje nuk e vuri për fund kompaninë. Në vend që të heqin dorë, së shpejti do të vijnë dy versione të reja të përmirësuara.
Shpresojmë që këto dy modele të kënë një fat ndryshe nga ai i pari./Përgatiti: Elena Lika
