Sylvinho ka rinovuar kontratën me Shqipërinë, duke qëndruar kështu me kuqezinjtë të paktën deri në vitin 2025.
Pas firmosjes trajneri brazilian ka reaguar për herë të parë në rrjetet sociale, teksa shkruan se skuadra do të jetë gati për sfida të reja.
“Jam shumë i lumtur me rinovimin e kontratës së stafit tonë teknik deri në dhjetor 2025. Është vazhdimi i punës që nisi një vit e shtatë muaj më parë, me synimin për t’u kualifikuar në finalet Kampionatit Evropian e që u realizua. Ne u përballëm si të barabartë me çdo rival në Euro 2024 dhe dolëm nga turneu krenarë për atë që bëmë. Por tani është koha për të ecur përpara dhe për t’u përballur me sfida të reja. Jemi gati për këtë. Forca Shqipëri!!!”, shkruajti ai.
