Vrasja e Gazmend Çollakut ditën e enjte po hetohet nga policia në disa pista ndërsa paralelisht ekspertët e grupit hetimor po punojnë në provat dhe faktet e gjetura në vendin e ngjarjes në fshatin Murqin ku u gjet dhe trupi i pajetë.
Detaje nga skena e krimit Tv Klan i ka mësuar nga burime të Prokurorisë.
Në këtë rindërtim grafik duket trupi i Gazmend Çollakut. I shtrirë përmbys anës rrugës.
Duart e lidhura me dy fasheta ngjyrë të zezë i ka patur të shtrira në drejtim ballor.
Në duar janë konstatuar hematoma të shkaktuara nga gërvishtjet dhe goditjet që sipas ekspertëve, viktima para vrasjes mund të jetë tërhequr zvarrë.
Në fytyrë dallohen katër shenja të plumbave që ka marrë, dy ngjitur me veshin e djathë dhe dy në kokë.
Sipas policisë Çollaku është qëlluar me puthitje, pra nga shumë afër me armë zjarri pistoletë 9mm .
Në kokë në krahun e djathtë sipër veshit dhe në krahun e majtë konstatohen tre hematoma, të cilat mund të jenë shkaktuar nga goditjet me sende të forta ose qytë e pistoletës.
Gjithashtu edhe në fytyrë janë konstatuara hematoma të tjera përreth syve dhe gërvishtje.
Viktima ka qenë i veshur me xhup ngjyrë të zezë pantallona blu xhins dhe atletete të zeza me nuancë gri. Nga vendi i rrëmbimit deri në vendin ku u gjet trupi i pajetë janë 45 kilometra. Nga të gjitha detajet, ekspertët po përpiqenm të hedhin dritë mbi elementë që mund të çojnë në zbulimin e autorëve.
Tv Klan
