Ditën e sotme kryeministri Edi Rama ndodhej në njësinë administrative të Manzës, në Durrës, ku ka inspektuar procesin e rindërtimit të shtëpive të cilat u dëmtuan nga tërmeti tragjik i 26 nëntorit.
Kryeministri iu tha banorëve se shumë shpejta ata do të futen në banesat e tyre të reja që sipas tij, do të jenë më të mira se ato që u dëmtuan nga tërmeti.
“Pak durim dhe shumë shpejt shtëpitë do të ndërtohen dhe ju do të mund të largoheni nga çadrat dhe shtëpitë me qira për t’u rikthyer në banesat tuaja më të mëdha, e më të forta”, deklaroi Rama gjatë takimit që zhvilloi me banorët e zonës.
Kryetarja e Bashkisë, Emiriana Sako bëri të ditur se i gjithë Durrësi ka 904 banesa individuale, në Manëz janë 280, ndërsa njësia administrative Ishëm ka rreth 300 banesa për të cilat ka nisur procesi i rindërtimit.
Ndërkohë, dhe pse qeveria deklaron se procesi i rindërtimit po vijon me ritme të shpejta, shumë qytetarë ankohen se ende jetojnë në çadra dhe se ndërtimi i banesave të reja nuk ka filluar. Situata e qytetarëve vështorësohet edhe më tepër pasi dimri po afron dhe temperaturat vijojnë të ulen./ Opinion.al
