Zbulohet fotoja e 20-vjeçarit të ekstraduar nga autoritetet franceze, i cili u arratis sot nga aueroporti i Rinasit.
Arnolt Canameti, u deportua në Shqipëri pas akuzave për vrasje të mbetur në tentativë, por nuk ishte e thënë që gjithçka të shkonte mirë për uniformat blu në vendin tonë
ArnolT Canameti i cili akuzohej për një vrasje në Burrel i është zhdukur policisë në aeroportin e Rinasit. Nga ana e saj policia ka mundur të gjejë vetëm…pasaportën e Canametit.
NJOFTIMI I PLOTË I POLICISË
Sot në orët e para të mëngjesit u arrestuan në flagrancë për veprën penale “Përkrahje e autorit të krimit, e kryer në bashkëpunim”, shtetasit Murat Hysa, 50 vjeç dhe Ylber Ndoi, 29 vjeç, lindur të dy Burrel.
Arrestimi i tyre u bë pasi në datë 15.12.2015, rreth orës 14:00, shtetasi Murat Hysa në bashkëpunim me shtetasin Ylber Ndoi kanë ndihmuar në pritjen dhe transportimin e Arnolt Canametit, 20 vjeç,
lindur dhe banues ne Burrel, i shpallur në kërkim për veprën penale “Vrasje me dashje e mbetur në tentativë”, “Prodhim dhe mbajtje pa leje të armëve të ftohta dhe të zjarrit”, “Shkatërrim prone” dhe “Prishje e qetësisë publike”.
Shtetasi Arnolt Canameti është kthyer në kategorinë “i deportuar” nga autoritetet policore franceze, në datë 15.12.2015 në aeroportin “Nënë Tereza”, por autoritetet shqiptare policore nuk kanë patur dijeni paraprake për kthimin e tij me këtë avion.
Gjatë shoqërimit të të deportuarve nga avioni në drejtim të godinës së përpunimimit të shtetasve, pikërisht kur ka zbritur nga mjeti transportues, duke përfituar nga mungesa e vëmendjes së shërbimeve të policisë Canameti ka mundur të largohet në drejtim të daljes nga rrethimi i aeroportit, ku është pritur dhe shoqëruar nga Hysa dhe Ndoi.
Shërbimet e SHÇBAsë po kryejnë ndërkohë hetime të plota për ngjarjen. Policia po vazhdon punën për kapjen e shtetasit Arnolt Canameti.
Materialet iu referuan Prokurorisë së Rrethit Gjyqesor Tiranë për veprime të mëtejshme.
