“Këngëtarja 21 vjeçare e Pop-it, Dua Lipa, mund ta ketë filluar karrierën e saj në Mbretërinë e Bashkuar, por në vendin e saj të lindjes ajo është një yll.”- shkruan Diana Markosian për prestigjiozen “Magnum Photos”.
Në artikullin e publikuar ditën e djeshme, është përcjell përmes fotove koncerti që Dua mbajti në Kosovë më herët gjatë muajit shtator.
Krahas fotove nga prapaskena dhe qëndrimi me familjen në shkrim flitet edhe për se prindërit e saj kanë emigruar gjatë kohës së luftës në Kosovë.
“Kosova është një vend shumë i vogël, por shumë patriot. Gjithnjë i tregojmë njerëzve se nga jemi. Jemi shumë krenarë dhe kjo është pjesë e asaj që jemi”- thotë këngëtarja në intervistën e dhënë, transmeton opinion.al.
“Në qoftë se dikush është duke u përpjekur për të bërë diçka jashtë Kosovës, do të mbështetet. Kur njerëzit më pyesin se nga jam, për tu identifikuar saktësisht unë i them nga të dyja, nga Londra dhe Prishtina, në mënyrë të barabartë”- përfundon Dua./ opinion.al
