Armando Broja është i lumtur për rikthimin si pjesë e ekipit kombëtar të futbollit. Sulmuesi i Chelsea po luan në huazim te Fulham dhe ende nuk e ka fituar një vend titullari në ekipin e ri, kjo edhe për shkak të rivalitetit.
22-vjeçari ka lënë pas dëmtimin që e mbajti jashtë për një vit dhe duket i fokusuar me ekipin kombëtar, duke qenë për herë të parë në kushte optimale nën urdhërat e Sylvinhos.
Broja ka reaguar edhe në kanalet e komunikimit, ku nuk e fsheh kënaqësinë që sërish është pjesë e grupit dhe i gatshëm për dy miqësoret e marsit, kundër Kilit dhe Suedisë.
“Ndihem mirë që jam kthyer”, shkruan Broja në Instagram, duke shoqëruar postimin me foto nga grumbullimi në Tiranë.
