Boris Johnson ka mbështetur Donald Trump përpara zgjedhjeve presidenciale të nëntorit në SHBA, duke thënë se kthimi i tij në Shtëpinë e Bardhë mund të jetë “vetëm ajo që i duhet botës”.
Në rubrikën e tij të përjavshme të Daily Mail, ish-kryeministri argumentoi se nëse Trump mbështet Ukrainën në luftën e saj kundër Rusisë, lidershipi i tij i rinovuar “mund të jetë një fitore e madhe për botën”.
Megjithatë, Trump ka hedhur vazhdimisht dyshime mbi mbështetjen e vazhdueshme të SHBA-së për Kievin nëse ai rizgjedhet, ndërsa mburret për marrëdhëniet e tij me presidentin rus Vladimir Putin.
Trump, i cili gjithashtu ka qenë vazhdimisht kritik i hapur ndaj NATO-s, më parë pretendoi se ai mund t’i jepte fund luftës së Rusisë kundër Ukrainës në 24 orë.
“Unë thjesht nuk mund ta besoj se Trumpi do t`i lerë në baltë ukrainasit, përkundrazi duke e kuptuar tashmë se nuk mund të bëhet më asnjë marrëveshje me Putinin, mendoj se ka një shans të mirë që ai t`i dyfishojë përpjekjet e veta dhe të përfundojë atë që filloi – duke u dhënë atyre pikërisht atë cfarë u nevojitet për të fituar”, ka shkruar Johnson.
“Në qoftë ky rasti, atëherë të gjitha gjasat janë që me Trumpin, perëndimi të bëhet më i fortë dhe bota më e qëndrueshme”, shton ai.
Të premten, presidenti ukrainas, Volodymyr Zelenski, e ftoi kryesuesin e garës për nominimin republikan që të vizitojë kryeytqetin e vendit të tij, duke mos ia kursyer tonet e ironisë në pohimin se “nëse vërtet mund ta ndalojë luftën në 24 orë, mjafton të shkojë në Kiev kur të dojë.
