Saimir Tahiri mesa duket është rikthyer më fuqishëm se kurrë. Prej më shumë se 6 muajsh ai ka qëndruar në heshtje të plotë duke mos dhënë as deklarata, e ndërsa profili i tij në Facebook kishte zënë “rrjeta merimangash”. Por sot nuk ka ndodhur kështu. Ai u shfaq në parlament, dhe pasi la kuvendin ai përpara gazetarëve, bëri kërcënimin: “nuk ka bir nënë dhe bir kurve që më ndal në rrugën për drejtësi”.
Mesa duket kjo shprehje ka qënë indicia për të “hapur lojën”, pasi ish-ministri më i përfolur i shqiptarëve ka nisur fuqishëm postimet në Facebook.
Fillimisht Tahiri do të mohonte zërat se po dërgonte mesazhe të koduara, ku ai u shpreh se është i drejtëpërdrejtë dhe nuk ka nevojë të flasë me kode. Më pas me të njejtën frazë si në mesazhin e parë, ai ka sulmuar ish-kryeministrin Berisha, i cili sot e filmoi në momentet që po linte sallën e kuvendit.
“Kur gjyqin ta ben djalli…
Ky qe fshiu kamerat e Kryeministrise ne 21 Janar e nuk u denua, sot me filmonte mua ?”, shkruan Tahiri në postimin e fundit.
Këtë deklaratë ai e tha edhe përpara kamerave kur po pyeteshe nga gazetarët, por duket se sot më shumë se kurrë ish ministri ndjen nevojën të shprehet nëpërmjet Facebooku-t. Ndoshta kjo është një strategji e re nga ana e Tahirit, ose ndoshta është thjeshtë efekti i Kuvendit, ndërsa ditët në vazhdim do e tregojnë më qartë aktivitetin virtual të ish – ministrit.
