Rikthehet ne jetë pas vdekjes. Ja historia tronditëse e një rusi

Një person u mor gabimisht si i vdekur pasi kishte pirë shumë, njoftoi të mërkurën gazeta lokale Khasanskiye Vesti, transmeton lajmi.net.
Miqtë e tij e thirrën një ambulancë dhe personeli mjekësor me ngut e deklaroi si të vdekur duke e dërguar në morg.
Megjithatë, ai përfundimisht u kthye në jetë – duke e gjetur veten në një frigorifer morgu.
“Atë natë morgu lokal ishte i mbushur në kapacitetin e tij, trupat nuk ishin vetëm në rafte, por edhe në dyshemenë e dhomës frigorifer, ku ishte vendosur edhe personi në fjalë”, i tha gazetës Aleksey Stoyev, një zëdhënës i policisë.
“Në një moment, ai u zgjua, duke mos e ditur se ku ishte. Dhoma ishte shumë e errët dhe e ftohtë. Përveç kësaj ai ishte me vetëdije të ulët për shkak të ndikimit të alkoolit. Në errësirë, ai ndjeu gjymtyrët e dikujt krejtësisht të ftohëta dhe në frikë nxitoi te dera. Por ajo ishte e mbyllur”.
Ai filloi ulëritës për ndihmë dhe të trokasë në derë. Thirrjet e tij tërhoqën vëmendjen e rojeve të morgut, të cilët raportuan te mjekët. Ndërsa, këta të fundit njoftuan policinë, raporton gazeta.
Hapja e derës nga policia bëri që ata të takohen me njeriun e “ringjallur”, që në panik doli nga dhoma, thuhet në raportin e policisë, të cilët pasi e kishin marrë atë në pyetje e kishin liruar.
Ai u kthye në vendin e ahengut, ku gjeti shokët e tij ende të dehur, por tani duke qëndrua mërzitshëm për atë. Personi që i hapi derën ishte tronditur dhe i kishte rënë të fikët, shkruan gazeta lokale.
Më pas ata ju kthyen sërish festës, por tash një aheng për lindjen e tij për së dyti. /lajmi.net