Edicioni i 55-të i Festivalit të RTSH-së do të mbahet në datat 21-23 dhjetor. Do të jenë 24 këngëtarët që do të marrin pjesë në këtë kompeticion muzikor dhe fituesi do të përfaqësojë Shqipërinë në Eurosong.
Por cilët do të jenë prezantuesit e këtij spektakli? Produksioni i festivalit ka menduar për dy moderatorë të suksesshëm shqiptarë, të cilët do të sjellin risi në prezantim. Blitz.al ka zbuluar emrin e parë dhe bëhet fjalë për aktorin shqiptar Kasem Hoxha.
Hoxha jeton prej dy dekadash në Gjermani dhe është një emër i njohur në kinematografinë gjermane.
Aktori shqiptar numëron më shumë se 40 role dhe është gjithashtu pjesëmarrës në shumë festivale ndërkombëtare të filmit.
Në festivalin e filmit në Këln konkurroi për titullin “Maska e artë“ si aktori më i mirë dhe disa nga filmat ku ai ka interpretuar janë: “Tatort-Operation Hiob”, “SOKO Wien/Donau”, “Wir müssen reden”, “Zelle”, “Ein Fall für Zëei”, “Alive” (prodhim shqiptaro-francez) etj. Për publikun shqiptar është bërë i njohur me filmin “Alive” të Artan Minarollit.
Burime pranë produksionit të Festivalit të RTSH-së thonë për Blitz.al se Hoxha do të vijë jo vetëm si prezantues, por edhe nën petkun e asaj që di të bëjë më mirë, aktrimit. Burimet sigurojnë gjithashtu se prezenca e tij do të jetë një risi shumë e bukur për publikun shqiptar.
Tani na mbetet të zbulojmë edhe emrin e bukuroshes që do ta shoqërojë aktorin gjatë tri netëve të spektaklit./blitz.al
