Rudina Xhunga thotë se ka bërë një intervistë me Marjan Rrokun. Kur historia me të po harrohej, gazetarja e rikthen në vemendjen e opinionit publik. Më e çuditshmja është se intervista është bërë në Mars, por transmetohet sot.
Për këdë që e ka harruar, kujtojmë se Marjan Rroku është një ish-SHIK-as i dënuar me burg përjetë për vrasjen e dy njerëzve. Debati mbi të u hap kur Ardit Gjebrea i bëri një intervistë në burg në muajin Shkurt. Një intervistë që bëri bujë dhe mori më shumë kritika se lëvdata.
Po tani çfarë për të thënë Marjan Rroku?
Do i referohemi sqarimit që bën uebsajti i Rudina Xhungës.
Citojmë nga lajmi i Dritare.net: Rroku Kërkoi të shpjegojë çfarë ndodhi atë ditë, më 29 mars 2001.
Intervista u realizua në 17 mars, në dhomën e intervistave të Burgut të Sigurisë së Lartë në Fushë Krujë, por nuk u transmetua gjatë kësaj kohe, për shkak se kishte nisur procesi i Marjan Rrokut në Gjykatën Kushtetuese.
Gjykata Kushtetuese vendosi të mos e marrë parasysh kërkesën e Marjan Prokut për rishikim vendimi dhe të lërë në fuqi vendimin për dënim të përjetshëm.
Dhe Vizion Plus do ta transmetojë të hënën këtë intervistë në orën 20.45 në Dritare.
