Një pikë kthese në hetimet italiane, sa i përket tre grabitësve shqiptarë që terrorizuan Italinë disa muaj më parë, pasi kryenin grabitje dhe më pas largoheshin me një “Audi” ngjyrë të verdhë me shpejtësi marramendëse.
Mediat italiane shkruajnë sot se është identifikuar njëri prej tre shqiptarëve. Ai është kapur nga kamerat e sigurisë në një biznes, është i moshës 25-30 vjeç. Një hajdut profesional, shkruajnë mediat. Është pikërisht personi në foto me fytyrë të mbuluar, raporton syri.net.
Policia është vënë në ndjekje të tij, por nuk bën publike detaje të tjera për shkak të hetimeve në zhvillim. Grupi i shqiptarëve bëri bujë në Janar të këtij për grabitjet dhe arratisjet spektakolare me Audi-n, ndërsa u detyruan që pas disa javësh këtë makinë ta braktisnin dhe ta digjnin.
Por, në automjet hetuesit gjetën disa gjurmë të vogla, ku në një levë të përdorur prej tyre për vjedhjet, u gjetën disa shenja. Megjithatë, përveç identifikimit të njërit prej tyre, ende nuk ka asnjë informacion rreth vendndodhjes së shqiptarëve, të cilët vazhdojnë të jenë në kërkim.
