Korça është lëkundur mëngjesin e sotëm nga një tërmet i shkallës 4.7 Rihter.
Sipas Qendrës Sizmologjike Europiane Mesdhetare tërmeti ka rënë rreth orës 5:25 me thellësi 10 kilometra. Epiqendra ka qenë 17 kilometra nga qyteti i Korçës.
Lëkundjet më të fuqishme janë ndjerë gjithashtu në fshatrat përreth dhe në Ersekë.
Tërmeti ka shkaktuar një situatë paniku te qytetarët të cilët kanë dalë nga shtëpitë e tyre duke marrë parasysh edhe tërmetet e tjera që kanë goditur Shqipërinë muajt e fundit. /Opinion.al
