Mel B, Victoria Beckham, Geri Halliwell, Emma Bunton dhe Melanie C kanë planifikuar një tur këtë verë në Shtetet e Bashkuara dhe Britaninë e Madhe! Një lajm i mirë ky për fansat besnikë të Spice Girls edhe pas 20 vitesh.
Grupi u shpërbë në vitin 1998 pasi Geri Halliwell, e njohur gjithashtu si Ginger Spice, la grupin papritur në mes të turit botëror. Ajo kërkoi falje për këtë vetëm vitin që shkoi në Twitter, e mesa duket, është falur.
Sipas një raportimi në TMZ, të gjitha vajzat ishin dakort për t’u rikthyer përveç Victorias. Pas shumë bisedash, edhe Posh Spice u bind e tashmë janë të gjitha gati për tur. Ka pasur aludime edhe më parë për një rikthim të Spice Girls por kanë qenë vetëm thashetheme. Javës që shkoi Emma Bunton postoi një foto në Instagram të të gjitha antareve të grupit, gjë që asnjë nga vajzat nuk e kishte bërë që prej shpërbërjes së grupit.
https://www.instagram.com/p/Bes4rddlxq6/?utm_source=ig_embed
“E ardhmja duket pikante!” ka shkruar ajo në përshkrimin e fotos duke dhënë edhe shenjën që kësaj rradhe ribashkimi do të ndodhë vërtetë. Vajzat nuk e kanë mohuar thashethemin por ende pritet një konfirmim zyrtar prej tyre./Opinion.al
