Restoranti në zonën e Bllokut, Artigiano, është rihapur dy javë pasi aty u helmuan 18 vetë. Prokuroria tha se po hetonte çështjen dhe ISHP tha se po bënte kontrolle. Por sot restoranti në fjalë njofton hapjen e dyerve, ndërsa ende nuk dihet se çfarë masë u mor ndaj tij dhe kush urdhëroi rihapjen. Sipas pronarëve kjo ishte “një goditje nën rrip” dhe të helmuarve u është kërkuar falje.
Postimi në faqen e profilit të ARTIGIANOS:
Unë s’para bej selfie por sot është dita. Po, foto është selfie! ARTIGIANO jam unë, është Jani, Liri, Fredi dhe te gjithë qe punojmë aty. ARTIGIANO është jo vetëm biznesi me te cilin mbajmë familjet tona, por edhe vendi qe na personifikon. Aty ku japim ç’të mundim nga vetja, aty ku ndjehemi te realizuar. Po, sot është dita! Sepse ARTIGIANO sot rihapet pas ditëve te vështira qe kaloi. Çfarë s’u tha për ne, e ne s’thamë asgjë, se tashme ishim tabele qitje.
Sa te gjata ishin këto dite. Dite ku kupton se ka njerëz qe gëzojnë me hallin tënd, sikur vetëm atë prisnin. Por ama, ne këto dite te vështira, kuptuam qe kemi edhe shume miq qe na kane marre ne telefon e na kane çuar sms pafund, ata na mbushen me force. Ndjesën te sëmurëve nuk po ua kërkoj këtu, ua kam kërkuar nga afër, atyre qe munda te takoj, 1 nga 1, përballe. Dhe nga ta, çuditërisht me ka ardhur dashamirësia me e madhe, me buzëqeshje e fjale nga zemra, pikërisht ata na dhanë kurajo pafund. Kush e beri e çfarë qëllimesh kishte, te gjitha jane pa vlere tani. Ne Shqipëri tregu përdor çdo mënyre dhe kjo nuk eshte as e para e as e fundit goditje nen rrip. Ne Shqipërinë tone kjo nuk është as e para e as e fundit padrejtësi. Rendësi ka qe sot jemi me te forte se dje, me te përgatitur e padyshim njësoj krenare per punen tone. Sot jemi me te motivuar se kurrë. Faleminderit miq për gjithçka!
