Kryeministri Edi Rama ka qenë sot në qytetin e Elbasanit, ku ka zhvilluar edhe një takim me dy organizata të Partisë Socialiste.
Gjatë fjalës së tij në takim, Rama tha se Partia Socialiste ka nisur një proces rienergjizimi në shkallë kombëtare.
Ai bëri me dije se synimi është arritja e një fitoreje shembullore në zgjedhjet e 2025-ës.
Do shkoj në të gjithë Shqipërinë gjatë këtyre ditëve për të takuar organizata socialiste. Ne falë faktit që kemi punuar seriozisht, falë faktit që jemi organizuar mirë, falë faktit që jemi organizuar më shumë se të tjerët kemi arritur diçka që në fillim kur morëm këtë detyrë dukej e pamundur. Kemi arritur që të marrim dy mandate me një shumicë të pavarur nga të tjerët.
PS duhet të jetë në gjendje që të ruajë lidershipin, të garantojë hegjemoninë e vet në jetën politike shqiptare. Ne na duhet një rienergjizim i organizatës së PS-së në radhë të parë dhe pastaj një riernegjizim i strukturave tona më lart dhe një rienergjizim i gjithë procesit të qeverisjes. Në 2025 duhet të marrim një fitore më të madhe se e mëparshmja”, tha ai
./Opinion.al
