Menaxheri i Riedit, Stefan Reiter, ka kërkuar të arrijë një marrëveshje me Hamdi Salihin, për ta rikthyer sulmuesin shqiptar në këtë klub. Megjithatë, duket se nuk ka akord, sepse kërkesat financiare të Salihit predominojnë në këtë rast. Ndonjëherë janë vetëm të tilla arsye, ato që e bëjnë të pamundur ritakimin në bazë të respektit dhe dashurisë së herës së parë. Stefan Reiter i njeh mjaft mirë cilësitë e 32-vjeçarit nga Shqipëria, i cili ishte jashtëzakonisht i suksesshëm në mes të vitit 2009 dhe 2012 në këtë klub.
Asokohe, sulmuesi rrëmbeu rreth 600.000 euro. Sezonin e fundit, Salihi luajti në Superligën Shqiptare, me kampionët e Skënderbeut, ku shënoi 21 gola në 22 ndeshje, madje edhe pesë gola në pesë ndeshjet eliminatore të “Champions League”. Ditët e fundit ai ka qenë i lidhur disa herë me rikthimin te Riedi. Por, që kjo të ndodhë, ish-klubi i tij duhet të bëjë një ofertë më të lartë nga ajo që i ka mbërritur shqiptarit, nga Zvicra. Përndryshe, dështon rikthimi emocional për tifozët.
