Ricky Martin dhe bashkëshorti i tij, Jwan Yosef, janë bërë sërish prindër nëpërmjet një nëne mbartëse. Ata mirëpritën fëmijën e tyre të katërt në më pak se një vit pas lindjes së vajzës së tyre Lucia.
Lajmin e bëri të ditur Martin, i cili publikoi në Instagram një fotografi ku bashkë me partnerin mbajnë në krahë djalin e tyre.
“Djali jonë Renn Martin-Yosef ka ardhur në jetë”, shkroi këngëtari krahas fotos duke zbuluar kështu edhe emrin e veçantë të vogëlushit.
Këngëtari është martuar një vit më parë me artistin me origjinë libaneze Jwan Yosef me të cilin u njohën përmes Instagramit. Në vitin 2008 Ricky u bë baba i binjakëve, Valentino dhe Matteo, të cilët erdhën në jetë përmes një nëne mbartëse, njësoj si vajza e tyre Lucia dhe djali Renn./Opinion.al
