Ka shkaktuar debate të shumta në Gjermani vendimi për të ribotuar libin “Mein Kampf” të Adolf Hitler. Ai do të dalë në treg në janar, por janë të shumtë zërat kritikë për këtë çështje.
A mund t’i sherbejë “Mein Kampf”, manifesti 70 -vjeçar i liderit nazist Adolf Hitleri, historisë bashkohore së Gjermanisë? Shoqata e mësuesve në Gjermani mendon se po, me argumentin se do të imunizoje përballë ekstremizmit politik. Pas një pune tre vjecare të akademikëve në Institutin e Historisë Bashkëkohore në Mynih, libri prej 2000 faqesh i ndarë në dy vëllime -do të dalë në treg në muajin janar.E drejta autorit, që mbahet nga landi i Bavarisë përfundon në fund të ketij viti, cka i hap rrugë publikimit të botimit kritik, me 3500 shënime. Hitleri e shkruajti “Mein Kampf”, gjatë viteve 1924-1926 dhe libri I tij paraqet një përzierje të eksperiencës personale dhe ideologjisë politike, që ai e nënvizonte si strategjinë e tij. Librin ishte “bestseller” pasi ai erdhi në pushtet në vitin 1933. Deri në vitin 1945 kishte shitur 12 milionë kopje dhe ishte perkthyer në 18 gjuhë të botës. Opinioni gjerman është tejet i përcarë për botimin e librit, komuniteti hebraik shprehet i lenduar, ndërsa autoritetet gjermane e kanë bërë të qarë: “Kushdo qe rishtyp versionin origjinal do të jetë subjekt i ligjeve ne fuqi”./ TV Klan
