Vullkani Etna në Itali shpërtheu mbrëmjen e kësaj të diele.
Sipas mediave italiane, mësohet se aeroporti i Katanias është aktualisht i mbyllur për shkak të aktivitetit shpërthyes të Etnas.
Kompania e menaxhimit të aeroportit të Katanias ka njoftuar se mbyllja e aeroportit Fontanarossa është shtyrë deri në orën 20:00 për shkak të rënies së hirit vullkanik nga Etna. Aeroporti fillimisht kishte mbyllur hapësirën ajrore deri në orën 13:00. Për këtë arsye, të gjitha mbërritjet dhe nisjet janë të ndaluara.
Sipas Institutit Kombëtar të Gjeofizikës dhe Vullkanologjisë të Italisë (INGV), ekziston rreziku i rrjedhjes së llavës nga një shpat në jug të kraterit.
Me një lartësi prej 3324 metrash, Etna është vullkani më i lartë aktiv në Evropë. Ai ka shpërthyer në mënyrë të përsëritur gjatë 500,000 viteve të fundit.
Nga pikëpamja sizmike, vazhdoi tendenca në rritje si e amplitudës mesatare të lëkundjes vullkanike ashtu edhe e aktivitetit infrasonik.
Vitin e kaluar, rreth 10 milionë pasagjerë kaluan përmes Aeroportit Ndërkombëtar të Katanias, i cili i shërben pjesës lindore të Siçilisë, një nga destinacionet turistike më të njohura të Italisë./Opinion.al
#etna in eruzione: #cenere lavica ovunque, #aeroporto di #catania chiuso, disagi e paura… ma che spettacolo la #natura!pic.twitter.com/fGMJwx61Za
— Francesco Cusumano (@francusu) August 14, 2023
