Kryeministri Edi Rama ndodhet në SHBA, ku po merr pjesë në Asamblenë e 74-t të Kombeve te Bashkuara.
Rama ka folur dhe në lidhje me votimin e parlamentit gjerman i cili autorizojë qeverinë për të mbështetur hapjen e negociatave të BE me Shqipërinë.
Gjatë një interviste, kryeministri tha se i kupton dhe ata që votuan kundër në Butestag, ndërsa thekson se përmbushja e kushteve është prioriteti i qeverisë së tij.
Po ashtu, ai theksoi se në rrugën pas çeljes së negociatave, Shqipërisë do i duhet të përmbush qindra kushte në çdo aspekt, dhe këto janë në të mirën tonë.
“Së pari është qeveria gjermane që ka marrë nga shumica në Bundestag një dritë jeshile për të shkuar në Këshillin Europian me një “PO” për negociatat me Shqipërinë, çelja do të thotë një proces i gjatë përmbushjesh kushtesh, dhe kjo është normale. Në rrugën tona pas çeljes së negociatave, ne do na duhet të përmbushim qindra kushte në çdo aspekt, dhe këto janë në të mirën tonë. Sa u përket 9 kushteve të vendosura, janë kushte që i bëjnë mirë dhe i duhen vendit, nuk është në interesin drejtpërdrejtë të tyre. Kjo është e mira e negociatave… nuk janë për ta marrë Shqipërinë dhe për ta çuar diku tjetër, por të ta bërë Shqipërinë europiane këtu ku është. Unë jam shumë i inkurajuar për këtë vendim, dhe mirënjohës kancelares Merkel, e cila ishte forca për thyerjen e kësaj barriere në Bundestag. Sikundër mirëkuptoj dhe ata që kanë votuar kundër, do t’ua mbushim dhe atyre mendjen hap pas hapi”, tha Rama ndër të tjera”,-tha Rama./ Opinion.al E.Xh.
