Portali i njohur sportiv Goal.it, pak ditë më parë ka përpiluar një listë me 50 talentet më premtues të futbollit nën moshën 18-vjeç, duke renditur në vendin e 32-të sulmuesin shqiptar të Interit, Rey Manaj.
Sulmuesi kuqezi në një prononcim për portalin e mirënjohur goal.it është shprehur i lumtur për këtë ecuri por thekson që i duhet të punojë ende për të qënë gati për futbollin elitar në europë.
Në sezonin e ti të parë te skuadra e parë e Interit, duhet të përpiqet të mësojë sa më shumë nga lojtarët me më shumë eksperiencë.
“Nuk kam një model të veçantë, por mund të jap shumë shembuj pozitivë ndërmjet shokëve të skuadrës. Ata më qëndrojnë pranë dhe më ndihmojnë, madje shpeshherë bëjmë shaka dhe qeshim me njëri-tjetrin”.
Në fund Manaj zgjedh dhe modelin e futbollistit që e inspiron: “Është Ibrahimoviç, kur isha i vogël ndiqja me vëmendje dhe pasion ecurinë e tij me Interin por tani ja kam dalë të jem vetë futbollist i zikaltërve”, përfundon rrëfimin e tij Rey Manaj. /Alb-sport.info
