Filmi shumë i dashur për shqiptarët “Gjeneral Gramafoni” i është nënshtruar digjitalizimit.
Restaurimi digjital i filmit me regji të Viktor Gjikës dhe skenar të Vath Koreshit u krye si rrjedhojë e bashkëpunimit mes Arkivit Qendror Shtetëror të Filmit dhe Fondazione Gramsci di Puglia në kuadër të projektit “Për një rrjet institucionesh kulturore midis Pulias dhe Shqipërisë”.
Lajmi është shpërndarë edhe nga kryeministri Edi Rama në rrjetin social “Facebook”.
“Edhe “Gjeneral Gramafoni” vjen në 2023. Filmi legjendar i 1978 ju nënshtrua digjitalizimit duke bërë që kjo dhuratë e kinemasë tonë nostalgjike të jetë aty për të gjithë brezat”, shkruan Rama.
