Reshjet e shiut duket se këtë verë janë kthyer në një fenomen të rrallë natyror. Mungesa e tyre ka qënë e theksuar si asjëherë më parë. U tha se këtë fundjavë do të kemi reshje shiu dhe ulje të temperaturave, gjë e cila nuk ndodhi. Por mesa duket dita e hënë do të nisë me reshje të dendura shiu në pjesën më të madhe të vendit. Temperaturat do të ulen me të paktën 5 gradë celsius dhe termometri do të shënojë 33 gradë.
Por reshjet do të zgjasin vetëm një ditë, duke rikthyer ditën e martë përsëri diellin. Që prej të mërkurës dhe në vazhdim do të vijojnë temperaturat e larta ndërsa ditën e premte termometri do të shënojë 37 gradë.
