Gjatë mbrëmjes së djeshme dhe përgjatë mëngjesit të sotëm (7-8 janar) juglindja e vendit është përfshirë nga reshje dëborë.
ARRSH bën të ditur se grupet e punës kanë qenë në terren për të bërë pastrimin nga rënia e gurëve apo inerteve në trup të rrugës
Ndërsa temperaturat kanë qenë të ulëta.
Mësohet se në Korçë-Dardhë, në Tamarë-Vermosh, në Qafë Thore-Bogë, në Valbonë nga km 20 ka pasur reshje dëbore me intensitet mesatar.
Mjetet borëpastruese kanë vijuar punën pa ndërprerje dhe rrugët janë të pastruara nga dëbora dhe qarkullimi vijon pa probleme, bën me dije ARRSH.
Ky institucion bën thirrje që drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore./Opinion.al
